Անչափ համեղ մեղրով տորթ: Պարզ բաղադրատոմս

Բաղադրությունը

• Խմոր

3 բաժակ ալյուր,

1 բաժակ շաքարավազ,

2 հատ ձու,

2 ճաշի գդալ մեղր,

50 գ կարագ,

2 թեյի գդալ սոդա,

քացախ:

• Կրեմ

500 գ թթվասեր (ցանկալի է  յուղոտ 20%-ից ոչ ցածր),

մոտ 1 բաժակ շաքարավազ:

Պատրաստման եղանակը

Միավորել խմորի համար նախատեսված բաղադրիչները (սոդան քացախով հանգցնել)՝ բացի ալյուրից, և դնել ջրայի գոլորշու վրա: Զանգվածն անընդհատ խառնել այնքան, մինչև միասեռ զանգված կդառնա և կսկսի եռալ:

Այնուհետև զանգվածը գազի վրայից վերցնել, և կամաց-կամաց մեջն ավելացնել ալյուրը ու խառնել:

Հետո խմոր հունցել և բաժանել 8-9 մասերի: Յուրաքանչյուր մասը գրտնակել և թխել 200 ջերմաստիճանում 3-5 րոպե:

Պատրաստի շերտի վրա մեծ աման դնել և այդ ամանի ձևով կտրել, ավելացած կողային մասերը մանրեցնել վերջում թխվածքը ձևավորելու համար:

Կրեմը պատրաստելու համար շաքարավազը և թթվասերը հարել:

Կրեմը քսել բոլոր շերտերի վրա, իսկ վերջին շերտը ձևավորել փշրանքներով:

Թխվածքը մի քանի ժամ թողնել սառնարանում, որ կրեմը ներծծվի:

Բարի ախորժակ