Աննկարագրելի համեղ ջեռեփուկ, որն առանձնանում է իր պատրաստման յուրօրինակ ձևով և գունեղությամբ: Բանջարեղենը ջեռոցում` ֆրանսիական բաղադրատոմսով

Բաղադրիչներ

300 գ բրոկկոլի

300 գ ծաղկակաղմաբ

3 հատ կարտոֆիլ

1 հատ գազար

1 գլուխ սոխ

ձիթայուղ

կարագ

Սոուսի համար`

40 գ կարագ

2 ճ/գ ալյուր

250 գ հավի արգանակ

սերուցք

աղ

սխտորի փոշի

1 ճ/գ պարմեզան պանիր

ցանկացած այլ տեսակի պանիր

Պատրաստման եղանակը

Բրոկկոլին, ծաղկակաղմաբը կտրատել, կարտոֆիլը շրջանաձև կտրատել և շոգեխաշել

Առանձին թավայի մեջ ձիթայուղ և մեկ փոքր կտոր կարագ լցնել, ավելացնել խորանարդաձև կտրատած սոխն ու շրջանաձև կտրատած գազարը: Տապակել մինչև պատրաստ լինելը

Հրակայուն տարայի մեջ ձիթայուղ լցնել, ավելացնել շոգեխաշած և տապակած բանջարեղենը

Սոուսի պատրաստման համար անհրաժեշտ է թավայի մեջ 40 գ կարագ դնել, ավելացնել 2 ճ/գ ալյուր և անընդհատ խառնելով ստանալ միասեռ զանգված

Ավելացնել հավի արգանակ և խառնելով հասցնել եռման աստիճանի

Ավելացնել սերուցք և լավ խառնել: Համեմել աղով, սիրելի համեմունքներով, ավելացնել պարմեզան պանիր, սխտորի փոշի և լավ խառնել

Լցնել բանջարեղենի վրա, լավ տարածել, ավելացնել քերած պանիր և դնել 200°С տաքացրած ջեռոցում 20 րոպե

Կարող եք մատուցել )))

Բարի ախորժակ