Այս ձյունաճերմակ աղցանը կզարմացնի Ձեր հյուրերին

Բաղադրությունը

• 400 գ միս (խոզ, տավար, հավ),

• 6 հատ ձու,

• 200 գ պանիր,

• 1 հատ մարինացված սոխ (սոխ, քացախ, ջուր,շաքարավազ, մի փոքր աղ)

• մայոնեզ,

• ձեթ,

• աղ,

• պղպեղ,

• մանանեխ,

• 1 ատամիկ սխտոր:

Պատրաստման եղանակը

Սոխը մարինացնելու համար ջուրը, շաքարավազը և աղը խառնել, դնել կրակին, հենց եռա, ավելացնել քացախը և խառնել, իսկ հետո ավելացնել կտրատված սոխի վրա և 1.5-2 ժամ մարինացնել:

Խոզի միսը խաշել, ձողիկների պես կտրատել և ձեթով տապակել՝ համեմելով աղով, պղպեղոց և մանանեխով:

Միսը լցնել այն ամանի մեջ, որով մատուցվելու է աղցանը:

Հենց միսը սառչի, 2-րդ շերտով վրան դնել մարինացված սոխը և վրան մայոնեզ քսել:

Ձուն խաշել, կիսել 2 մասի, դեղնուցները հանել և մայոնեզի ու ճզմված սխտորի հետ խառնել՝ կրկին համեմելով աղով և պղպեղով:

Դեղնուցով պատրաստված այս զանգվածով լցոնել սպիտակուցները, իսկ ավելացած մասը լցնել մարինացված սոխի շերտի վրա:

Այնուհետև ամբողջ մակերեսով դասավորել լցոնված սպիտակուցները և ամբողջ մակերեսը մայոնեզով ծածկել:

Պանիրը քերիչով անցկացնել, շաղ տալ աղցանի վրա:

Բարի ախորժակ