Այս աղցանը տարբերվում է մյուսներից իր յուրահատուկ համով և պատրաստման հետաքրքիր տարբերակով: Աղցան «Մանդարին»

Բաղադրիչներ

200 գ տավարի խաշած միս

450-500 գ գազար

1 ատամիկ սխտոր

6 հատ խաշած ձու

100-120 գ պահածոյացված եգիպտացորեն

200-250 գ մայոնեզ

Համեմունքներ

½ թ/գ սև պղպեղ

½ թ/գ կարմիր պղպեղ

½ թ/գ խմելի-սունելի

½ թ/գ աղ

½ թ/գ կորեական գազարի համեմունք

Պատրաստման եղանակը

Գազարն անցկացնել քերիչով, ավելացնել 1 ճ/գ մայոնեզ, 0,5 ատամիկ սխտոր, կորեական համեմունք, լավ խառնել և դնել մի կողմ (գազարը պետք է կպչուն ստացվի: Հարկ եղած դեպքում կարելի է մայոնեզ ավելացնել)

Ձվերի սպիտակուցներն ու դեղնուցներն առանձնացնել, սպիտակուցները մանր կտրատել, դնել մի կողմ

Միսը բզկտել կամ երկարությամբ կտրատել, ավելացնել 0,5 ատամիկ սխտոր, մայոնեզ, կարմիր պղպեղ, խմելի-սունելի, աղ, լավ խառնել

Սննդային պոլիէթլենի վրա լցնել 1 ճ/գ համեմված գազար, 1-1,5 ճ/գ ձու, 1 ճ/գ եգիպտաոցրեն, մի փոքր մայոնեզ քսել եգիպտացորենի վրա, ավելացնել 1 ճ/գ համեմված միս, կենտորնում դնել 1 ձվի դեղնուց

Բոլոր կողմերից փաթաթել, մանդարինի տեսք տալ

Զարդարեք համեմի տերևիկով և կստացվեն գեղեղիկ մանդարիններ )))

Բարի ախորժակ