Այսպիսի խմորեղենից հրաժարվելը չափազանց դժվար կլինի: Ռուլետ «Սնիկերս»

Բաղադրիչներ

Բիսկվիթի համար`

6 ձու

125 գ շաքարավազ

աղ

110 գ ալյուր

25 գ կակաո

1 թ/գ փխրեցուցիչ

50 մլ ձեթ

Կրեմի համար`

300 գ սերուցքային կամ կաթնաշոռային պանիր

1,5 ճ/գ շաքարի փոշի

150 մլ 33% սերուցք

1 թ/գ վանիլային շաքարավազ

Կարամելի համար`

230 գ շաքարավազ

80 գ կարագ

0,5 թ/գ աղ

160 մլ 33% սերուցք

130 գ բոված գետնանուշ

Ջնարակի համար`

80 գ շոկոլադ

70 մլ սերուցք

100 գ բոված գետնանուշ

Կաղապարի չափըէ 40X30

Պատրաստման եղանակը

Կարամելի պատրաստման համար անհրաժեշտ է շաքարավազը հալեցնել կրակի վրա, ավելացնել կարագ, լավ խառնել, թողնել 1 րոպե

Ավելացնել սերուցքը, խառնել, եփել 2-3 րոպե

Վերցնել կրակից, լցնել խոր տարայի մեջ, ավելացնել 0.5 թ/գ աղ, բոված գետնանուշ, լավ խառնել և թողնել մի կողմ

Բիսկվիթի պատրաստման համար անհրաժեշտ է ձվերին ավելացնել շաքարավազ, մի պտղունց աղ և լավ հարել

Ալյուրը, կակաոն և փխրեցուցիչը խառնել իրար, ավելացնել հարած զանգվածին, ավելացնել նաև ձեթ և լավ խառնել

Կաղապարի մեջ յուղաթուղթ փռել, խմորը լցնել և դնել 180°С տաքացրած ջեռոցում 15-20 րոպե

Հանել ջեռոցից և անմիջապես ռուլետի պես փաթաթել սրբիչով ու թողնել սառչի

Կրեմի պատրաստման համար անհրաժեշտ է սերուցքային պանրին ավելացնել շաքարի փոշի, սերուցք, վանիլային շաքարավազ և լավ հարել

Բիսկվիթը բացել, լցնել նախ կարամելը, ապա կրեմը, փաթաել ռուլետի պես, դնել սննդային պոլիէթիլենի մեջ և 3-4 ժամ թողնել սառնարանում

Ջնարակի պատրաստման համար անհրաժեշտ է շոկոլադին ավելացնել սերուցք և հալեցնել գոլորշու վրա

Ավելացնել բոված գետնանուշ

Ռուլետը հանել սառնարանից, պատել ջնարակով և մատուցել )))

Բարի ախորժակ