Ամենապարզ, բայց և շատ համեղ բաղադրատոմսերից մեկը։ Համեղ և հագեցնող ընթրիքն ապահովված է։ Մսով և կարտոֆիլով ուտեստ՝ ջեռոցում

Բաղադրիչներ

3 կտոր հաց + 50 մլ կաթ

600 գ աղացած միս

1 գլուխ սոխ

1 ատամիկ սխտոր

1 ձու

1 թ/գ աղ

0,5 թ/գ սև պղպեղ

մաղադանոս

4 կարտոֆիլ

4 միջին մեծության մարինացված վարունգ

100 գ պանիր

մայոնեզ

Պատրաստման եղանակը

Հացը թրջել կաթով, պատառաքաղով ճզմել, ավելացնել աղացած մսին

Ավելացնել մանր կտրատած սոխ, ձու, ճզմած սխտոր, աղ, սև պղպեղ և լավ խառնել

Ավելացնել մանրացրած մաղադանոս, խոշոր գնդեր ձևել, դնել ջեռոցի տապակի մեջ և մի փոքր սեղմել (ստցավում են շրջանաձև կոտլետներ)

Դանակի օգնությամբ խորանարդաձև կտրվածքներ անել

Կարտոֆիլն անցկացնել քերիչով, 2 րոպե թողնել սառը ջրում, ապա ջրքամել և ավելացնել մսե շրջանակներին

Մարինացված վարունգն անցկացնել քերիչով և ավելացնել կարտոֆիլին

Ավելացնել քերած պանիր, մայոնեզ և դնել 180°С տաքացրած ջեռոցում 45 րոպե

Կարող եք մատուցել )))

Բարի ախորժակ