Ախորժելի շոկոլադե տորթ

Բաղադրությունը

• Խմոր

2 հատ ձու,

4 ճաշի գդալ շաքարավազ,

2 ճաշի գդալ կակաո,

6 ճաշի գդալ ալյուր,

2 ճաշի գդալ կարտոֆիլի օսլա,

2 թեյի գդալ փխրեցուցիչ,

10 ճաշի գդալ կաթ,

6 ճաշի գդալ ձեթ,

0.5 գ վանիլին,

1/3 թեյի գդալ աղ:

• Կրեմ

250 մլ  բարձր յուղայնությամբ թթվասեր (20%),

2-3 ճաշի գդալ շաքարի փոշի:

Պատրաստման եղանակը

Խառնել չոր բաղադրիչները՝ ալյուրը, կակաոն, կարտոֆիլի օսլան, փխրեցուցիչը, վանիլինը և մաղով անցկացնել:

Ձուն և շաքարավազը գդալի կամ ձեռքի հարիչի օգնությամբ խառնել, ավելացնել կաթը ու կրկին խառնել:

Այնուհետև ավելացնել մաղով անցկացված զանգվածը, ձեթը ու խառնում:

Ձևամանի (20-22 սմ) հատակին յուղաթուղթ փռել, ձեթ քսել, և խմորը լցնել մեջը:

Թխել 35 րոպե 180 ջերմաստիճանում:

Թխված խմորը բաժանել 2-3 շերտի և թողնել, որ հովանա:

Կրեմի համար հարել բարձր յուղայնությամբ թթվասերը և շաքարի փոշին:

Կրեմը քսել բոլոր շերտերին, և տորթը ձևավորել ըստ ցանկության:

Բարի ախորժակ