Ֆանտաստիկ բաղադրատոմս է` դուր կգա և՛ ընտանիքի անդամներին, և՛ հյուրերն: Լցոնած հավի կրծքամիս

Բաղադրիչներ

2 հավի կրծքամիս

1 հատ գազար

1 հատ լոլիկ

40 գ համեմ

3 ատամիկ սխտոր

60 գ պանիր

3 ճ/գ թթվասեր

600 գ կարտոֆիլ

250 գ շամպինյոն

աղ

սև և կարմիր պղպեղներ

Պատրաստման եղանակը

Հավի կրծքամսերը երկարությամբ կիսել, ծեծել, 1 կողմից համեմել աղով, սև և կարմիր պղպեղներով

Գազարն անցկացնել քերիչով, ավելացնել խորանարդաձև կտրատած լոլիկ, մանրացրած համեմ, սխտոր, քերած պանիր, մի պտղունց աղ, սև պղպեղ, թթվասեր և լավ խառնել

Ստացված խճողակից 2-ական թ/գ լցնել հավի ֆիլեի համեմած մասի վրա և ռուլետի պես փաթաթել

Կարտոֆիլը շրջանաձև կտրատել, իսկ սունկը բաժանել 2 մասի և լցնել հրակայուն տարայի մեջ: Համեմել աղով, սև և կարմիր պղպեղներով

Ավելացնել մնացած խճողակը, ապա շարել ստացված ռուլետները

Յուղաթուղթը մի քիչ թրջել և ծածկել ուտեստը

Ծածկել նաև փայլաթիթեղով և դնել 200°С տաքացրած ջեռոցում 30 րոպե

Փայլաթիթեղն ու յուղաթուղթը հանել և ևս 10 րոպե թողնել 220°С տաքացրած ջեռոցում

Կարող եք մատուցել )))

Բարի ախորժակ