Ստացվում են շատ համեղ, փափուկ և բուրավետ: Խնձորի միջուկով բլիթներ` վիենական խմորով:

Բաղադրիչներ

2 ձու

120 գ շաքարավազ

250 մլ կաթ

6 գ խմորիչ

100 գ կարագ

600 գ ալյուր

½ թ/գ աղ

կիտրոնի կեղևի քերուկ` ըստ ցանկության

8 գ վանիլային շաքարավազ

Խնձորի միջուկի համար`

7 հատ խնձոր

4 ճ/գ շաքարավազ

1 ճ/գ կարագ

դարչին

Պատրաստման եղանակը

Տարայի մեջ լցնել խմորիչը, 1ճ/գ շաքարավազ, խառնել, ավելացնել տաք կաթի մի մասը, լավ խառնել, ավելացնել 4 ճ/գ ալյուր: Պետք է ստացվի խիտ զանգված

Ծածկել պոլիէթիլենով և 30 րոպե թողնել տաք տեղ

Առանձին տարայի մեջ լցնել մնացած շաքարավազը, վանիլային շաքարավազը, աղը, ձուն և լավ խառնել

Ստացված զանգվածը, կաթի մնացած մասը, հալեցրած կարագը, մի փոքր քերած լիմոնի կեղևը (ցանկության դեպքում)  ավելացնել խմորին և լավ խառնել

Քիչ-քիչ ավելացնել ալյուրը և խմոր հունցել (լավ արդյունքի հասնելու համար անհրաժեշտ է մի փոքր շատ հունցել)

Խմորը տեղափոխել ձեթով պատված տարայի մեջ, ծածկել պոլիէթիլենով, թողնել 2,5-3 ժամ, որի ընթացքում անհրաժեշտ է 2 անգամ բացել, նստեցնել և նորից ծածկել

Այդ ընթացքում կարելի է պատրաստել խնձորի միջուկը, որի համար անհրաժեշտ է խնձորները մաքրել կեղևից, մանր կտրատել

Թավայի մեջ կարագ դնել, ավելացնել շաքարավազ, խառնել, ավելացնել կտրատած խնձորները, թողնել ուժեղ կրակին և անընդհատ խառնել

Այնուհետև լցնել քամիչի մեջ, որպեսզի ավելորդ հեղուկը դուրս գա, թողնել հովանա և ավելացնել դարչինի փոշի

Խմորը բաժանաել մասերի (յուրաքանչյուրը մոտ 50 գ) և գնդիկներ անել

Յգուրաքանչյուր գնդիկը բացել, 1 ճ/գ խնձորի միջուկ լցնել և փակել

Ջեռոցի համար նախատեսված թավայի մեջ սննդային թուղթ փռել, շարել բլիթները, ծածկել սննդային պոլիէթիլենով, թողնել 40 րոպե

Բլիթները պատել ձվի դեղնուցով, դնել 180°C տաքացրած ջեռոցում և թխել 30-35 րոպե

Շտապեք համտեսել )))

Բարի ախորժակ