Խոզի մսով ուտեստ

Այս հիանալի բաղադրատոմսով միսը ստացվում է նուրբ, հյութալի և շատ համեղ:

Բաղադրիչներ

900 գր խոզի միս
300 գր սոխ
300 գր սունկ
4 ատամիկ սխտոր
3 ճաշի գդալ բուսական յուղ
2–3 հատ լոլիկ
200 գր պանիր մոցարելլա
100 գր հոլանդական պանիր
աղ
աղացած սև պղպեղ
կարմիր պղպեղ
օրեգանո

Պատրաստման եղանակը

1 Միսը կտրել (մոտ 1.5 սմ հաստությամբ), շարել ձևամանի մեջ, համեմել աղով և պղպեղով: Լոլիկները բարակ կտրել, պանիրը անցկացնել քերիչով:

2 Սոխը կիսալուսնաձև կտրատել, տապակել մի քանի րոպե բարձր կրակի վրա, ավելացնել սխտորը, տապակել ևս 1–2 րոպե, այնուհետև լցնել սունկը, համեմել, տապակել, մինչև որ կիսաեփված դառնա:

3 Հանել կրակի վրայից և լցնել մսի վրա: Շարել լոլիկները, համեմել օրեգանոյով:

4 Եփել ջեռոցում մոտ 30 րոպե 180°C ջերմաստիճանում: Հանել, և վրան լցնել պանիրը:

5 Դնել ջեռոցում մոտ 10 րոպե մինչև պանրի ոսկեգույն դառնալը:

Բարի ախորժակ