Չուրրոս
Այս աղանդերը պատրաստվում է արագ, դյուրին և ունի հիանալի համ:
Բաղադրիչներ
- 100 գր կարագ
- 250 մլ ջուր
- 1 պտղունց աղ
- 150 գր ալյուր
- 3 հատ ձու
- շաքարի փոշի
- բուսական յուղ
Պատրաստման եղանակը
- Թավայի մեջ լցնել ջուրը, աղը և կարագը, եփել մինչև կարագի հալվելը և անմիջապես հանել կրակի վրայից:
- Ավելացնել ալյուրը և լավ խառնել:
- Հատ–հատ ավելացնել ձուն և լավ խառնել: (պետք է ստացվի համասեռ խմոր)
- Թավայի մեջ բուսական յուղ լցնել, սպասել, որ տաքանա:
- Խոհարարական պարկի օգնությամբ խմորը լցնել բուսական յուղի մեջ: (կարելի է խմորը լցնել երկարավուն, շրջանաձև կամ մեկ այլ տարբերակով)
- Տապակել միջին կրակի վրա մինչև ոսկեգույն դառնալը, ընթացքում պտտել:
- Հանել և շարել անձեռոցիկի վրա: Մատուցելիս վրան շաքարի փոշի շաղ տալ:
Բարի ախորժակ