Շոկոլադե չիզքեյք: Հրաշալի աղանդեր շոկոլադի սիրահարների համար

Բաղադրությունը

• 300 գ փխրուն թխվածքաբլիթներ (ռուս.՝ песочное печенье),

• 110 գ կարագ,

• 600 գ կաթնաշոռ,

• 500 մլ սերուցք (33%),

• 180 գ շոկոլադ,

• 100 մլ սուրճ,

• 30 գ ժելատին,

• 130 գ շաքարի փոշի,

• կակաո:

Պատրաստման եղանակը

Թխվածքաբլիթը էլեկտրական հարիչով՝ բլենդերով, մանրացնել:

Կարագը հալեցնել, ավելացնել թխվածքաբլիթի վրա և խառնել:

Այս զագնվածը լցնել ձևամանի մեջ (22 սմ), սեղմել/ճզմել և դնել սառնարանում:

Սուրճ պատրաստել, թողնել, որ այն սառչի և լցնել ժելատինի վրա: Հենց ժելատինը փքվի, այս զանգվածը մի փոքր տաքացնել:

Բարձր յուղայնությամբ կաթնաշոռը էլեկտրական հարիչով հարել: Ստացվում է մածուկանման զանգված:

Հարել սառը սերուցքը, իսկ հետո կամաց-կամաց ավելացնել շաքարի փոշին և միասին հարել:

Շոկոլադը հալեցնել, թողնել, որ մի փոքր հովանա և ավելացնել կաթնաշոռով զանգվածի մեջ: Ավելացնել նաև սրճով ու ժելատինով պատրաստված զանգվածը, և ամենը միասին խառնել:

Այնուհետև զգուշությամբ ավելացնել սերուցքը և խառնել:

Կրեմը լցնել թխվածքաբլիթներով պատրաստված շերտի վրա, ծածկել սննդային տոպրակով և ողջ գիշեր թողնել սառնարանում:

Մատուցելուց առաջ տորթի վրա կակաո շաղ տալ:

Բարի ախորժակ