Շոկոլադե բլիթ-թխվածք, որը կդառնա Ձեր թեյի անբաժան մասը

Բաղադրությունը

• 1 հատ միջին մեծության ձու,

• 100 գ և ավել շաքարավազ,

• 180 գ կեֆիր,

• 80 գ կարագ,

• +/- 220 գ ալյուր,

• 60 գ կակաո,

• 100 գ շոկոլադ,

• 1 թեյի գդալ լուծվող սուրճ,

• 2 թեյի գդալ փխրեցուցիչ,

• 1 պտղունց աղ,

• վանիլին:

Պատրաստման եղանակը

Ջեռոցը նախապես տաքացնել մինչև 200 ջերմաստիճան:

Ալյուրը և կակաոն մաղել, ավելացնել շաքարավազ, փխրեցուցիչ, վանիլին, լուծվող սուրճ (ըստ ցանկության) և խառնել:

Սառը կարագը կտորներով կտրատել, ավելացնել ալյուրով զանգվածի մեջ և պատառաքաղով կամ ձեռքով լավ տրորել:

Սառը շոկոլադը կտորների բաժանել, և դրա մեծ մասը լցնել զանգվածի մեջ ու խառնել:

Կեֆրիր մեջ ձու և 1 պտղունց աղ ավելացնել, խառնել ու լցնել ալյուրով զանգվածի մեջ:

Խմորը խառնել: Այնուհետև տախտակի վրա ալյուր շաղ տալ, խմորը դնել վրան, խմորի վրա ևս ալյուր շաղ տալ, ու այն ձեռքերով շրջանաձև բացել (մոտ 22 սմ):

Խմորը բաժանել 8 կտորների (սեգմենտների):

Ջեռոցի ամանը ծածկել յուղաթղթով, կտրոները դնել վրան, և կտորների վրա ձու կամ կաթ քսել, իսկ հետո մնացած շոկոլադի կտրոներով ձևավորել:

Թխել 15-20 րոպե 200 ջերմստիճանում:

Բարի ախորժակ