Հեքիաթային թխվածք, որը կարող եք վայելել թե՛ սուրճի, թե՛ թեյի հետ

Բաղադրիչներ

Խմորի համար`

3 ձվի դեղնուց

80 գ կարագ

70 գ շաքարավազ

200 գ ալյուր

1 թ/գ փխրեցուցիչ

Կրեմի համար`

3 ձվի սպիտակուց

80 գ շաքարավազ

300 գ թթվասեր կամ յոգուրտ

3 ճ/գ եգիպտացորենի օսլա

Կաղապարի չափը_15*15

Պատրաստման եղանակը

Ձվի դեղնուցին ավելացնել շաքարավազ, հարել, ավելացնել հալած կարագ և շարունակել հարել

Ավելացնել ալյուր, փխրեցուցիչ և լավ հարել

Ստացված խմորը ձեռքով հավաքել, բաժանել 2 հավասար մասերի: 1 մասը փաթաթել սննդային պոլիէթիլենի մեջ և 30 րոպե թողնել սառցարանում

Կրեմի պատրաստման համար անհրաժեշտ է 3 ձվի սպիտակուցը հարել, ապա ավելացնել 80 գ շաքարավազ, շարունակել հարել: Մաս-մաս ավելացնել թթվասեր կամ յոգուրտ և հարել: Ավելացնել նաև եգիպտացորենի օսլան, լավ հարել

Կաղապարի ներսը պատել կարագով, ալյուր ցանել, խմորը դնել և հավասարապես տարածել

Լցնել կրեմը

Սառցարանից հանել խմորը, քերիչով անցկացնել և լցնել կրեմի վրա: Դնել 180°С տաքացրած ջեռոցում 40 րոպե

Վայելեք )))

Բարի ախորժակ