Դուք կսիրահարվեք այս ուտեստին: Չափազանց համեղ և ախորժելի՝ կարտոֆիլով և սնկով տորթ

Բաղադրիչներ

2 գլուխ սոխ

Ձիթայուղ

400 գ սունկ

աղ

սև պղպեղ

700 գ կարտոֆիլ

3 միջին չափի լոլիկ

150 գ պանիր

3 ձու

կանաչ սոխ

սամիթ

30 գ պաքսիմատ

կաղապարի չափը` 20 սմ

Պատրաստման եղանակը

Սոխն ու սունկը խորանարդաձև կտրատել և տապակել ձիթայուղով: Համեմել աղով, սև պղպեղով, ծածկել կափարիչն ու թողնել 15 րոպե` ժամանակ առ ժամանակ խառնելով (թողնել այնքան, մինչև առաջացած հեղուկը գոլորշիանա)

Ավելացնել խորանարդաձև կտրատած լոլիկը և թողնել 5-7 րոպե

Առանձին թավայի մեջ ևս 1 սոխ տապակել, ավելացնել խորանարդաձև կտրատած կարտոֆիլը, համեմել աղով, սև պղպեղով և թողնել 15 րոպե

Խոր տարայի մեջ 3 ձու կոտրել, ավելացնել աղ, մանրացրած կանաչ սոխ, սամիթ և լավ խառնել

Կաղապարի մեջ յուղաթուղթ փռել, ձեթ քսել կենտրոնում, կողային հատվածներում և պաքսիմատ շաղ տալ

Լցնել տապակած կարտոֆիլի մի մասը, ապա սունկը, և հավասարապես տարածել

Պանիր դնել, ապա ավելացնել կարտոֆիլի մնացած մասը

Ավելացնել կանաչեղենով ձուն և դնել 180°С տաքացրած ջեռոցում 40 րոպե (եթե ցանկանում եք ստացվեն խրթխրթան` 30 րոպե անց ավելացրեք ևս 1 ձու)

Շտապեք համտեսել)))

Բարի ախորժակ