Գազարով թխվածք
Հյութալի, փափուկ և յուրօրինակ համով այս թխվածը կհամալրի Ձեր սիրելի թխվածքների շարքը:
Բաղադրիչներ
- 180 գ ալյուր
- 3 հատ ձու
- 170 գ շաքարավազ
- 90 գ ձեթ
- 200 գ գազար
- 100 գ չամիչ
- 1 հատ լիմոնի ցեդրա
- 2 թեյի գդալ փխրեցուցիչ
- 200 գ թթվասեր
- 100 գ խտացրած կաթ
- 0.5 հատ լիմոնի հյութ
Պատրաստման եղանակը
- Ձուն և շաքարավազը հարել այնքան, մինչև կստացվի փրփրուն զանգված: Կարելի է նաև մի փոքր վանիլային շաքար ավելացնել:
- Չամչի վրա տաք ջուր լցնել, թողնել 3-4 րոպե, այնուհետև ջուրը դատարկել, և չամիչները թղթե անձեռոցիկով չորացնել: Չորանալուց հետո չամիչները թաթախել ալյուրի մեջ:
- Գազարը քերիչով անցկացնել:
- Լիմոնի վրայից քերել կեղևը:
- Ձվով զանգվածի մեջ ավելացնել ձեթ, ալյուր և փխրեցուցիչ, լավ հարել:
- Այնուհետև ավելացնել գազարը, լիմոնի ցեդրան, չամիչ և խառնել:
- Ձևամանի (22սմ) հատակը ծածկել յուղաթերթով, խմորը լցնել ձևամանի մեջ:
- Թխել 40-45 րոպե 180օC-ում:
- Թխվածքը թողնել, որ ամբողջությամբ հովանա:
- Կրեմը պատրաստելու համար խտացրած կաթը և թթվասերը միասին հարել, այնուհետև ավելացնել լիմոնի հյութը և ևս մի քանի րոպե հարել:
- Թխվածքն ամբողջությամբ պատել կրեմով, և վրան ցեդրա շաղ տալ:
Բարի ախորժակ