Այսօրվա ընթրիքը արքայական կլինի: Սեղանին է այս համեղ, հյութեղ տաք ուտեստը` հավի կրծքամսով ռուլետը

 Բաղադրիչներ

1 կգ հավի կրծքամիս

2 ճ/գ ձեթ

2 ճ/գ սոյայի սոուս

1 ճ/գ կիտրոնի հյութ

0,5 թ/գ կծու պղպեղ

աղ

սև պղպեղ

1 թ/գ չորացրած ռեհան, անանուխ

100 գ թթվասեր

50 գ մայոնեզ

0,5 թ/գ օրեգանո, կարմիր քաղցր պղպեղ

2 ատամիկ սխտոր

200 գ պանիր

2-3 լոլիկ

Պատրաստման եղանակը

Ձեթին ավելացնել սոյայի սոուս, կիտրոնի հյութ, կծու պղպեղ, աղ, չորացրած ռեհան, անանուխ և լավ խառնել

Հավի կրծքամիսը բաժանել բարակ շերտերի, ծեծել, ավելացնել պատրաստած սոուսը և թողնել 20 րոպե

Առանձին տարայի մեջ մայոնեզ, թթվասեր, ճզմած սխտոր լցնել, ավելացնել աղ, կարմիր քաղցր պղպեղ, չորացրած ռեհան, օրեգանո և լավ խառնել

Յուրաքանչյուր ֆիլեի վրա 1-ական թ/գ թթվասերային սոուս լցնել, տարածել, ավելացնել քերած պանիր, շրջանաձև կտրտած լոլիկ և ռուլետի պես փաթաթել

Փայտիկի օգնությամբ ամրացնել, թթվասերային սոուսով պատել, տեղափոխել 220°С տաքացրած ջեռոց, թողնել 10 րոպե, ապա իջեցնել ջերմությունը 200°С և թողնել ևս 15 րոպե

Ավելացնել քերած պանիր և ևս 5-10 րոպե թողնել ջեռոցում

Վայելեք )))

Բարի ախորժակ