Ահա՛, թե ինչպիսի պարզ միջոցով է պատրաստվում այս գեղեցիկ թխվածքաբլիթը: Խնձորի միջուկով թխվածքաբլիթ

Բաղադրիչներ

4 խնձոր + 100 գ շաքարավազ

1 ճ/գ մանրացրած ընկույզ

1 թ/գ աղացած դարչին

Խմորի համար`

200 գ կարագ

50 մլ ձեթ

1 ձու

1 տուփ սերուցքային կրեմի փոշի

1 տուփ փխրեցուցիչ

4,5 – 5 բաժակ ալյուր (բաժակի չափը` 200 մլ)

Զարդարելու համար`

Շոկոլադե ջնարակ

Մանրացրած գետնանուշ

Պատրաստման եղանակը

Խնձորների կեղևն հեռացնել, քերիչով անցկացնել, ավելացնել շաքարավազ, լավ խառնել, դնել կրակին

Ավելացնել մանրացրած ընկույզ, դարչին, լավ խառնել, թողնել 1 րոպե և վերցնել կրակից

Առանձին տարայի մեջ իրար խառնել կարագն ու ձեթը, ավելացնել 1 ձու, սերուցքային կրեմի փոշի, փխրեցուցիչ, լավ խառնել

Մաս-մաս ավելացնել ալյուր, խմոր հունցել, ընկույզի չափով գնդիկներ ձևել

Կիտրոնի հյութ քամիչի մեջ սննդային պոլիէթիլեն դնել, յուրաքանչյուր գնդիկը դնել, ամուր տարածել, 1 թ/գ տապակած խնձոր լցնել

Ծածկել և հանել

Շարել ջեռոցի տապակի վրա, դնել 180°С տաքացրած ջեռոցում 20-25 րոպե

Զարդարեք և մատուցեք )))

Բարի ախորժակ